Hartii Baptist Gyoliñkoniiñ si Bamin Michi ka lemba ura ja ho do. siika so Bamin Michi lemba hoka miyu dunii atañ hii Pinii mi herii hala ahdu. So ngunu HtBC ka piigo rago mi atii talyi ke miilañru ahla kaka nyato.
Dorinii:
HtBC paka kiidi akañ dalyi mika binii bo hii Ateh Michi Tatang la mohka mihi Atah Michi Piira. Ho haho dalyi ka kiidi mi Ateh Michi Tara bitii. Miitu japa uro paka miiri giinii atañ hii Ateh Michi Tari, Ateh Dulley Tanii, Ateh Michi Bat , Ateh Tanyang Nyipa ho Ateh Michi Tamang Luka atañ. Ho mohluka agiñ ho Bamin Michi lemba daka abuje aba atañ la anii atañ ka haho nyimuñ yapa atañ hii miibo lubo la miinya tii.
Liidiraniiñ la Tiiliinii:
Hartii Baptist Gyoliñkoniiñ mika liidi raniiñ mi 2nd December 2009 ho Ateh Michi Tari rabi tii. Ho hiimi Pinii ko tiilii bila Ateh Tanyang Nyipa 18th December 2009 ho miitii.
Kapyo Japa Ingii Miigiinii Atañ:
Hartii Baptist Gyoliñkoniiñ ho kapyo japa Ateh Dulley Tanii Secretary pa sangii tii, Ateh Tiiling Dogin Chairman pa ho Ateh Michi Tari Pastor pa.
