Rake Baptist Gyoliñkoniiñ si Bulla lemba ho do. Simi ngunu tudii pa RBC (Rake Baptist Church) hala ludu. Tanii aguñ pa ludo kuko da RBG (Rake Baptist Gyoliñkoniiñ) hala lula kendo.
Dorinii:
Siika gyoliñkoniiñ ude mika miipe giido pa lyigiinii hii Ateh Ngiilyang Tajang. Mo Biiso mapa ui miyu mi datḛr la ano chikho pa dagii tii. Mo ude mi miima rampa sulu mi hemper kapyo pa miipyo lala la ude mitiire yanu yanu Pinii lyanko kapyo chanchañ miicha giitii.
Liidiraniiñ la Tiiliinii:
Siika siimi ka liidi raniiñ mi 13th September 2008 ho Mr. Nikh Kamin, Hon’ble MLA 16th Yachuli Constituency mo rabi la miitii. Simi Pinii ko tiilii bila Ateh Habung Siira 3rd November 2010 ho miitii ku.
Kapyo Japa Ingii Miigiinii Atañ:
Siika gyoliñkoniiñ ho kapyo japa ka Secretary sangiibo hii Mr. Ngiilyang Tajang. Kapyo japa Chairman sangii bo hii Mr. Habung Siira. Ho kapyo japa ka Pastor dagii bo hii Miss Radhe Ampa. Ho kapyo japa missionary dagii bo hii Miss Lalsawmliani (Miss Sawmi)).
