Ngunu Tanii ganda hoka nyimii atañ mi ho anii akha atañ mi niibyu tano miiko ho atoh mi medo metañ mechiñ siike nendu pa ho pulye tarii mi miiliñ miiha laka miiko ho aya yapa miichiñ kendu pa hala Senyi Apoo Vocational Training Centre mi 1997 ho Dr. Changthanpari Priscilla Centre Guwahati hokii hembyuñ kobii dola miiri giitii. Simi lotu ho “Prisciila Centre” hala armyañ tii. Ho hiimi kami ho myangu kula Senyi Apoo Vocational Training Centre (SAVTC) hala armyañ tiiku.
Mrs. Lucy Egjadim, Director Pricilla Centre Guwahati mo Evan Tahke Yallu mi Training bila miitii ho mohmi Pricilla Centre Ziro ka Instructor pa atii lala la dorma mi bila miitii. Anyañ 2004 hokii Evan Takhe Yallu Coordinator pa datii ku ho mohka dorma mi Pricilla Centre, Guwahati bitii ho SAVTC Ude bara mi Apatani Baptist Association hii bibi la miitii. Apatani Baptist Association hii 2007 hokii mohka dorma miilañ mi biri la lyitii ku.
Siika so biti yamo ho apoo lalu mi miinyo giila Training miigii du. Hii kontii mapa takuñ pecha, plum ahi-amer atañ mi Candy mitai pa ho Achar pa miila ho pyula miidu. Siika kiiri miiko ho Taging Tero, Tanii Tero, byako la ho lyoye lyoye drih (lyampo tassing, ngiiyyi sankho yormii, hikhu achar, hihi achar, yo sankho achar, losun yormii) luka atañ mitiire kiiri miila siika SAVTC ho miidu.
Siika dotu japa doniiñ hii Papii ho Midland Education Centre ho dotii. Ho hiimi Pai Gate ho 2001 ka anyañ ho lalo biito kula TBC ka akañ ho anyañ nyahiñ he hang miiku luku mapa dotii. Ho hiimi Evan Tahke Yalu mohka puri rigo mi rija teku la ahda biikula 1st June 2004 ho School Gate ho hiira miiri luri giitii ku. Hiika miiko ho ABA library mitiire atu pa miitu pa miiri giitii. Ho hiika haba pa siika centre mi 19th February 2007 ho sisi ka ABA office doko Abulyañ ho laliñ biikula miitii. Simi ka liidi raniiñ mi Ateh Michi Batt ES ABA miibi tii ho hiimi Mrs. Lucy Egjadim Director Priscilla Guwahati miiko bila miitii. Hiika miilyi ku ho ABA library mi miingula miitii ku. Ho hiimi Evan Radhe Ampa dasi giikula datii. Ho hiika haba pa 2011 sisi ka doko Abulyañ Hong boko lenda tuliñla dohala lyitii ku.
