Apatani Baptist Association hii Lt. Tage Ato ka Executive Secretary pa du myodu ho ngunu Tanii anii abba atañ mi puri likhi ko ho hata chake nendu pa hala hela pota atu tapela miiliñla miika giitii. Evan Bamin Oniya la Hibu Bonti luka atañ hii simi hiika myodu ho miika miira giila dotii. Ho hiimi aya yapa miider giina nanii pa kheta “Apatani Roman Phoentic Alphabet” mi Evan Michi Tari la Rev. Tage Donyi nyi miiliñ bi 5 Jan 2001 anyañ ho.
Hiika haba pa Rev. Tage Donyi Executive Secretary pa dusi giikula, Apatani Adult Education Ziro (AAEZ) hala armyañ la 16th June 2002 ho Evan Koj Yabo mi kapyo japa Secrtary pa atii la miiri giitii. Ho Salang, Siibe Habyu la SP Colony ho puri giila miiri tii. Hiika atañ mi Koj Yabo, Racho (Narang) Anyo, Michi Kanya la Bamin (Hano) Nanya luka atañ puri giila miila datii. Kami ho Lempya, Hija, Mudang Tage la Hong lemba miilañ ho dori tii.
Ateh Michi Bat ka Executive Secretary pa sangiila da myodu ho, Evan Koj Yabo ka Adult Education Department ka Secretary pa dah myodu ho, Tanii aguñ mi puri rinyo giina nanii pa “Kiije Ngunu Purisa Chindupa” hala armyañ la, volume tanye dopa kheta taye miiliñ tii. Ho hiimi Sakomato, Assam ho imbiila 14th May 2009 hokiila 26th May 2009 loye pa NBBCA ka Mission Compound ho dula Ateh Dani Tadu, Ateh Michi Bat, Ateh Kago Tangu, Pastor Tallo Apa, Ateh Takhe Tade, Evan Koj Yabo, Atah Racho Maya, Evan Tallo Madu la Atah Vashi Mate luka atañ hii miiliñ bitii. Hiimi miigii lugii la akho japa Mrs. Kristella Walchi la Mr. Gyan Mochary nyi datii. Hiika myodu ho Rev. Puhar Daimary, NBBCA ka Executive Secretary pa dala ano uro pa kalyañ kada mola miitii.
Ho hiimi kami ho, Evan Tallo Madhu ka Adult Education Department ka Director pa dalyi myodu ho, Kristella Walchi release miibi kula miitii. Ho siika kheta mi no hona Adult Education Centre donya donii hiika atañ ho ano uro pa puri rigii naniipa bula miido.
