Apatani Baptist Association hii miyu ali-alah papo nii atañ mi ho punyuñ-ahha papo nii atañ mi kage kopa hala Rehabilitation Centre mi miiliñ tii. Simi kagii niipa Ateh Michi Tamang Chairman pa ho Ateh Dusu H. Tacho Secretary pa du ho mo anye agiñ ho hiira committee du. Siika si aya pa dope doko da piijo da ngunu Tanii ganda hoka diima giima ho alih alah paponii atañ pa ano aya kendo.
Siika Rehabilitation Centre Zilying Lempii paka hoka donii bomi Mr. Hage Kobing, Zilla Chairperson, Lower Subansiri District 12th April 2014 ho miiko bila miitii. Ho hiimi Rev. Tage Donyi ES ABA Pinii ko tiilii bila miitii.
Kami ho World Vision ka again ho amie-yaru, alie-alla, punyuñ-ahha paponii himme akha atañ mi drih khela mohluka ananii drih pachi atañ mi DC saab ho DMO saab luka atañ ahla siika simi lange hela pinyi khange la kannu he (187) miyu atañ mi bibila, lulyañ luda la tonser khemyo tii. Hiika kiiliñ ho Kombu Baptist Church, Mudang Tage ho hiira siika drih pachi atañ mi church inii, church immanii atañ miilañ rumi bila kela lyine.
Miiri Kuniiñ:
2nd May 2015 ho siika Rehabilitation Centre Zelyiñlampii Abulyañ hoka niti ude mi miiko bila Ateh Habung Youngbow President ABA miibii neku ho hiimi Pinii ko tiilii bila Rev. Tage Donyi hiika allo hoka akuñ tola danii gyoliñkoniiñ ami-abañ atañ ka kado pa miitii. So sisi uru ako ka himme anye mi duke nela ho hiimi kalyañ kada la miila do. Simi kalyañkada giinii pa Evan Takhe Yallu Project Director pa, Mrs. Tage Nenkha Assistant Project Director pa, Miss Tage Yana Treasurer pa ho Mr. Dani Tadu Finance Secretary pa du. Siika atañ si Relief and Welfare Department ABA lo lembo pagii kobii dola Relief and Rehabilitation Centre mi kage kendo.
