Hari Baptist Gyoliñkoniiñ si kapyo ho yamyo ude pa done. Si GBC hokiila dopyo japa doliñnii Gyoliñkoñiiñ pa lyido ho Ziro ganda ka kapyoja lemba gyoliñkoniiñ patiirḛ. Simi kapyo yapa ka donii atañ hii lemba hokiila ado kiiliñ adiñ done. Siika HBC si 2004 hokii yamyo ude pa nyiku mapa siimint ude pa dori biila lyiku. So ngunu HBC ka piigo rago mi attiih tayli ke miilañru kaka hala anya to ho labii lakiñ doke nunu ka piigo anii hokii dolyi milo.
Hari Baptist Gyoliñkoniiñ si Hari lemba ho do. Simi ngunu HBC (Hari Baptist Church) hala ludu. Tanii aguñ pa ludo kuko da HBG (Hari Baptist Gyoliñkoniiñ) hala lula kendo.
Dorinii:
Siika gyoliñkoniiñ ude mi Ateh Hage Tade miiri giila yamyo ude pa miiri gii ho mohka agiñ ho Atah Hage Mumpa, Atah Hage Opi, Ateh Hage Hangu, Ateh Tasso Tam ho Ateh Dusu Tadu luka atañ hii ano hembo miibo la miitii.
Liidiraniiñ la Tiiliinii:
Ho miija kula la Rev. Tage Donyi hiimi Pinii ko tiilii bila 4th March 2004 ho miitii.
Ronyiniipa Miikunii:
Hari Baptist Gyoliñkoniiñ mi RCC ude paka pelyi ku ho Secretary pa dagii la Ateh Gyati Napa datii. Tiicko posa hokii khiiri biila apo khella ka dabonii atañ hii Ateh Dusu Tanyo, Ateh Hage Tatung, Ateh H.R. Tatung, Ateh Gyati Napa (Inspector APP) ho hiika haho hemper miyu abuje hembo miibo nyala miibowtii. Ho ude pencha kula la hiimi Ateh Habung Youngbow President ABA miiko bila miiku ho Pinii ko tiilii bikula Rev. Tage Donyi, ES ABA 23rd December 2010 ho miitii.
