Nenchalyañ Baptist Gyoliñkoniiñ, Old Ziro si Air Field ka aruñ ho do. Soka miyu anii atañ hii abuya hii non-Apatani hokii anya do. Hojalo Tanii miyu hokii tiirḛ tange indo. Simi ado mapa Kudung Barang ho doku pa miikiñ do. Hiimi miidu kupa hala henju hemyola do. Siika so ngunu NBC ka piigo rago mi atii bidu pa miichi ke miilañru ahla kaka hadu pa miito.
Dorinii:
Simi Pastor Tage Ato, Ateh Michi Bat, Ateh Tanyang Nyipa, Pastor Tage Gute luka atañ hii miigii tii. Ho siika kiidi mi Ateh Michi Tamang ka armyañ pa riila miitii.
Liidiraniiñ la Tiiliinii:
Siika gyoliñkoniiñ mi liidi rabi la Mr. H.S. Hminga miitii. Ho Dr. Bamin Tada siika simi 31st December 2005 ho Pinii ko tiilii bila miitii.
Kapyo Japa Ingii-Miigii Atañ:
Soka kapyo japa Secretary dagii bo hii Mr. D.K. Shresth (V.K. Rai), Chairman pa sangii bo hii B.B. Sunubar ho Pastor pa Tage Ato datii.
