Duku Prayer Centre si Abulyañ ho do. So ngunu Pinii mi diigo tango diima tama pa nyobii dola lurii hadu. Simi kalyañ kada giila miigii laka dani Atah Hano Omang da. Duku Prayer Centre mi Rev. Puhor Daimary General Secretary NBBCA 12th April 2010 ho Pinii ko tiilii bila miitii.
Siika doliñnii si ngunu Ziro ganda hoka yajiyalo ajunii atañ mi Pinii ko aruñ ahdela atoh ka yajiyalo mi miilyañ siiko pa hiila doliñ do. So igii laka miihi miire konii ho achie aye nii atañ mi agiila diima tama pa nyobii dola Pinii kokii tamo haro kubila miidu. Huna so jije ahha lo henje biidola ahdonii hiimi Jisu armyañ pa yajiyalo mi tamo haro doku pa ho achie ahe mitiire hempyo dopa Pinii hii miido.
Dotuja hokii so Atah Hano Omang pre-pratna mi ano uro pa miigii lugiila da. Mo mika kabyuñ niipa Board Member dudu. Kappyo japa ka Chairman dugii bo hii Ateh Tilling Chada ho kappyo japa ka Pastor dagii bo Pastor Nada Bakhang.
Ho sisi soka Board Chairman pa Takhe Taw da ho Pastor pa Takhe Yalu lyigiila da.
